Manchu/Library/The Analects/Book 5

ᠯᡝᠣᠯᡝᠨᡤᡳᠰᡠᡵᡝᠨ᠈ᡤᡠᠩᠶᡝᠴᠠᠩ ᠨᡳᠰᡠᠨᠵᠠᠴᡳᡶ᠋ᡳᠶᡝᠯᡝᠨ leolen gisuren - gung ye cang ni sunjaci fiyelen 論語 公冶長第五 ᡶ᠋ᡠᡯᡳ᠌᠈ᡤᡠᠩᠶᡝᠴᠠᠩᠪᡝᠯᡝᠣᠯᡝᡥᡝᠩᡤᡝ᠈ᠰᠠᡵᡤᠠᠨᠵᡠᡳᠪᡠᠴᡳᠣᠮᠪᡳ᠈ᡠᡩᡠ᠋ᠰᠠᠩᠰᡝᡤᡠᠸᠠᠩᠰᡝᡩ᠋ᡝ᠋ᡨ᠋ᠠᠪᡠᡥᠠᠪᠠᠪᡳᠴᡳᠪᡝ᠈ᡨᡝ᠋ᡵᡝᡳᠸᡝᡳ᠌ᠯᡝᠸᠠᡴᠠᠰᡝᡶ᠋ᡳ᠈ᡳᠨᡳᠰᠠᡵᡤᠠᠨᠵᡠᡳᠪᡝᠰᠠᡵᡤᠠᠨᠣᠪᡠᠮᡝᠪᡠᡥᡝᠪᡳ᠉ 1. fudzi, gung ye cang be leolehengge, sargan jui buci ombi, udu sangse guwangse de tabuha ba bicibe, terei weile waka sefi, ini sargan jui be sargan obume buhebi. 1. 子謂公冶長 可妻也 雖在縲紲之中 非其罪也 以其子妻之 .............................................................................................................................................................................................................................................ᡶ᠋ᡠᡯᡳ᠌᠈ᠨᠠᠨᡰᡠᠩᠪᡝᠯᡝᠣᠯᡝᡥᡝᠩᡤᡝ᠈ᡤᡠᡵᡠᠨᡩ᠋ᡝ᠋ᡩᠣᡵᠣᠪᡳᠴᡳ᠈ᠸᠠᠯᡳᠶᠠᠪᡠᡵᠠᡴᡡ᠈ᡤᡠᡵᡠᠨᡩ᠋ᡝ᠋ᡩᠣᡵᠣᠠᡴᡡᠣᠴᡳ᠈ᡝᡵᡠᠯᡝᡵᡝᠸᠠᡵᠠᠴᡳᡤᡠᠸᡝᠴᡳᠣᠮᠪᡳᠰᡝᡶ᠋ᡳ᠈ᡳᠨᡳᠠᡥᡡᠨ ᠊ᡳᠰᠠᡵᡤᠠᠨᠵᡠᡳᠪᡝᠰᠠᡵᡤᠠᠨᠣᠪᡠᠮᡝᠪᡠᡥᡝᠪᡳ᠉ 2. fudzi, nan žung be leolehengge, gurun de doro bici, waliyaburakū, gurun de doro akū oci, erulere wara ci guweci ombi sefi, ini ahūn -i sargan jui be sargan obume buhebi. 2. 子謂南容 邦有道不廢 邦無道免於刑戮 以其兄之子妻之 .............................................................................................................................................................................................................................................ᡶ᠋ᡠᡯᡳ᠌᠈ᡯᡳ᠌ᠵᡳᠶᠠᠨᠪᡝᠯᡝᠣᠯᡝᡥᡝᠩᡤᡝ᠈ᠠᠮᠪᠠᠰᠠᠰᠠᡳ᠌ᠰᠠᠰᡝᡵᡝᠩᡤᡝ᠈ᡝᡵᡝᠨᡳᠶᠠᠯᠮᠠᡴᠠᡳ᠈ᠯᡠ᠌ᡤᡠᡵᡠᠨᡩ᠋ᡝ᠋ᠠᠮᠪᠠᠰᠠᠰᠠᡳ᠌ᠰᠠᠠᡴᡡᠪᡳᠴᡳ᠈ᡝᡵᡝᠠᡩ᠋ᠠᡵᠠᠮᡝᡠᡨ᠌ᡨᡠ᠋ᠣᠮᠪᡳᡥᡝᠰᡝᡥᡝ᠉ 3. fudzi, dzi jiyan be leolehengge, ambasa saisa serengge, ere niyalma kai, lu gurun de ambasa saisa akū bici, ere adarame uttu ombihe sehe. 3. 子謂子賤 君子哉若人 魯無君子者 斯焉取斯 .............................................................................................................................................................................................................................................ᡯᡳ᠌ᡤᡠᠩᡶ᠋ᠣᠨᠵᡳᠮᡝ᠈ᠰᡟᠪᡳᠠᠨ᠋ᡨ᠋ᠠᡴᠠ᠉ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠰᡳᡨᡝ᠋ᡨᡠ᠋ᠨᡴᠠᡳ᠉ᡶ᠋ᠣᠨᠵᡳᠮᡝ᠈ᠠᡳᡨᡝ᠋ᡨᡠ᠋ᠨ᠉ᡥᡝᠨ᠋ᡩᡠ᠋ᠮᡝ᠈ᡤᡠᡥᡡᡨᡠ᠋ᠨᡤᡠᠯᡳᠶᠠᡨᡠ᠋ᠨᡴᠠᡳ᠉ 4. dzi gung fonjime, sy bi antaka. fudzi hendume, si tetun kai. fonjime, ai tetun. hendume, guhūtun guliyatun kai.4. 子貢問曰 賜也何如 子曰 女器也 曰 何器也 曰 瑚璉也 .............................................................................................................................................................................................................................................ᡤᡡᠸᠠᡥᡝᠨ᠋ᡩᡠ᠋ᠮᡝ᠈ᠶᡠᠩᡤᠣᠰᡳᠩᡤᠠᠪᡳᠮᡝ᠈ᠠᠩᡤᠠᠯᡳᠩᡤᡡᠠᡴᡡ᠉ 5. gūwa hendume, yung, gosingga bime, anggalinggū akū. 5. 或曰 雍也仁而不佞 ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠠᠩᡤᠠᠯᡳᠩᡤᡡᠪᡝᠠᡳ᠌ᠨᠠᠮᠪᡳ᠈ᠨᡳᠶᠠᠯᠮᠠᠪᡝᡴᠠᠮᡝ᠈ᠠᠩᡤᠠᡳᡶᠠᡴ᠋ᠰᡳᡩ᠋ᠠᡵᠠᠩᡤᡝ᠈ᡴᡝᠮᡠᠨᡳᠨᡳᠶᠠᠯᠮᠠᡩ᠋ᡝ᠋ᡝᡳ᠌ᠮᡝᠪᡠᠮᠪᡳ᠈ᡨᡝ᠋ᡵᡝᡳᡤᠣᠰᡳᠩᡤᠠᠪᡝᠰᠠᡵᡴᡡ᠈ᠠᠩᡤᠠᠯᡳᠩᡤᡡᠪᡝᠠᡳ᠌ᠨᠠᠮᠪᡳ᠉ fudzi hendume, anggalinggū be ainambi, niyalma be kame, anggai faksidarangge, kemuni niyalma de eimebumbi, terei gosingga be sarkū, anggalinggū be ainambi. 子曰 焉用佞 禦人以口給 屢憎於人 不知其仁 焉用佞 .............................................................................................................................................................................................................................................ᡶ᠋ᡠᡯᡳ᠌᠈ᠴᡳᡩᡳᠶᠣᠣᠺᠠᡳᠪᡝᡥᠠᡶᠠᠨᠣᠰᠣᠰᡝᡵᡝᡩᡝ᠋᠈ᠵᠠᠪᡠᠮᡝ᠈ᠪᡳᡝᡵᡝᠪᡝᠠᡴ᠋ᡩ᠋ᠠᠮᡝᠮᡠᡨᡝ᠋ᡵᡝᡠᠨ᠋ᡩᡝ᠋ᠰᡝᡥᡝ᠉ᡶ᠋ᡠᡯᡳ᠌ᡠᡵᡤᡠᠨᠵᡝᡥᡝ᠉ 6. fudzi, ci diyoo k'ai be hafan oso serede, jabume, bi erebe akdame mutere unde sehe. fudzi urgunjehe. 6. 子使漆雕開仕 對曰 吾斯之未能信 子說 .............................................................................................................................................................................................................................................ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡩᠣᡵᠣᠶᠠᠪᡠᡵᠠᡴᡡᠨᡳᡴᠠᡳ᠈ᠠᡩ᠋ᠠᡩ᠋ᡝ᠋ᡨᡝ᠋ᡶ᠋ᡳ᠈ᠮᡝᡩᡝ᠋ᡵᡳᡩ᠋ᡝ᠋ᠠᡳ᠌ᠯᡳᠨᠠᡴᡳ᠈ᠮᡳᠮᠪᡝᡩᠠᡥᠠᡵᠠᠩᡤᡝ᠈ᡨᡝ᠋ᡵᡝᡳᠣᡩ᠋ᡝ᠋ᡵᡝ᠈ᡯᡳ᠌ᠯᡠ᠌ᡩᠣᠨᠵᡳᡶ᠋ᡳᡠᡵᡤᡠᠨᠵᡝᡥᡝ᠉ 7. fudzi hendume, doro yaburakū nikai, ada de tefi, mederi de ailinaki, mimbe daharangge, tere io dere, dzi lu donjifi urgunjehe. 7. 子曰 道不行 乘桴浮於海 從我者其由與 子路聞之喜 ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡳᠣ᠈ᠪᠠᡨᡠ᠋ᡵᡠᠯᠠᡵᠠᡩ᠋ᡝ᠋ᠠᠮᡠᡵᠠᠨ᠈ᠮᡳᠮᠪᡝᡩᠠᠪᠠᡥᠠᠪᡳ᠈ᡨᡝ᠋ᡳ᠌ᠰᡠᠯᡝᠪᡠᠮᡝᠪᠣᡩ᠋ᠣᡵᠣᠩᡤᡝᠠᡴᡡ᠉ fudzi hendume, io, baturulara de amuran, mimbe dabahabi, teisulebume bodorongge akū. 子曰 由也好勇過我 無所取材 .............................................................................................................................................................................................................................................ᠮᡝᠩᡠᠪᡝ᠈ᡯᡳ᠌ᠯᡠ᠌ᠪᡝᡤᠣᠰᡳᠩᡤᠠᠣᠰᡝᠮᡝᡶ᠋ᠣᠨᠵᡳᡥᠠᡩ᠋ᡝ᠋᠈ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠰᠠᡵᡴᡡᡴᠠᡳ᠉ 8. meng u be, dzi lu be gosinggao seme fonjiha de, fudzi hendume, sarkū kai. 8. 孟武伯問子路仁乎 子曰 不知也 ᡤᡝᠯᡳᡶ᠋ᠣᠨᠵᡳᡥᠠᠮᠠᠩᡤᡳ᠈ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡳᠣᠪᡝ᠈ᠮᡳᠩᡤᠠᠨᠰᡝᠵᡝᠩᡤᡝᡤᡠᡵᡠᠨᡩ᠋ᡝ᠋᠈ᡨᡝ᠋ᡵᡝᡳᠠᠯᠪᠠᠨᠪᡝᡳᠴᡳᡥᡳᠶᠠᠪᡠᠴᡳᠣᠮᠪᡳ᠈ᡨᡝ᠋ᡵᡝᡳᡤᠣᠰᡳᠨᠪᡝᠰᠠᡵᡴᡡ᠉ᡴᡳᠣᠠᠨ᠋ᡨ᠋ᠠᡴᠠ᠉ geli fonjiha manggi, fudzi hendume, io be, minggan sejengge gurun de, terei alban be icihiyabuci ombi, terei gosin be sarkū. kio antaka. 又問 子曰 由也千乘之國 可使治其賦也 不知其仁也 求也何如 ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡴᡳᠣᠪᡝ᠈ᠮᡳᠩᡤᠠᠨᠪᠣᠣᡳᡥᡝᠴᡝᠨ᠈ᡨ᠋ᠠᠩᡤᡡᠰᡝᠵᡝᠩᡤᡝᠪᠣᠣᡩ᠋ᡝ᠋ᠸᠠᡳ᠌ᠯᠠᠨᠣᠪᡠᠴᡳᠣᠮᠪᡳ᠈ᡨᡝ᠋ᡵᡝᡳᡤᠣᠰᡳᠨᠪᡝᠰᠠᡵᡴᡡ᠈ᡱᡳᠠᠨ᠋ᡨ᠋ᠠᡴᠠ᠉ fudzi hendume, kio be, minggan booi hecen, tanggū sejengge boo de wailan obuci ombi, terei gosin be sarkū. cy antaka. 子曰 求也千室之邑 百乘之家 可使為之宰也 不知其仁也 赤也何如 ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡱᡳᠪᡝ᠈ᡩᠣᡵᠣᡳᡠᠮᡳᠶᠠᠰᡠᠨᡠᠮᡳᠶᠠᠯᠠᠪᡠᡶ᠋ᡳ᠈ᡥᠠᡵᡤᠠᡧᠠᠨᡩ᠋ᡝ᠋ᡳᠯᡳᠪᡠᡶ᠋ᡳ᠈ᠠᠨ᠋ᡨ᠋ᠠᡥᠠᡝᠯᠴᡳᠨ ᠊ᡳᠪᠠᡵᡠᡤᡳᠰᡠᡵᡝᠪᡠᠴᡳᠣᠮᠪᡳ᠈ᡨᡝ᠋ᡵᡝᡳᡤᠣᠰᡳᠨᠪᡝᠰᠠᡵᡴᡡ᠉ fudzi hendume, cy be, doroi umiyasun umiyalabufi, hargašan de ilibufi, antaha elcin -i baru gisurebuci ombi, terei gosin be sarkū. 子曰 赤也束帶立於朝 可使與賓客言也 不知其仁也 .............................................................................................................................................................................................................................................ᡶ᠋ᡠᡯᡳ᠌ᡯᡳ᠌ᡤᡠᠩ ᠨᡳᠪᠠᡵᡠᡥᡝᠨ᠋ᡩᡠ᠋ᠮᡝ᠈ᠰᡳ᠈ᡥᡡᡳᠸᡝᡶ᠋ᡠᠯᡠ᠉ 9. fudzi dzi gung ni baru hendume, si, hūi we fulu. 9. 子謂子貢曰 女與回也孰愈 ᠵᠠᠪᡠᠮᡝ᠈ᠰᡟᠪᡳ᠈ᠠᡳᡤᡝᠯᡥᡠᠨᠠᡴᡡᡥᡡᡳᠪᡝᡝᡵᡝᠮᠪᡳ᠉ᡥᡡᡳᡝᠮᡴᡝᠪᡝᡩᠣᠨᠵᡳᡥᠠᡩ᠋ᡝ᠋᠈ᠵᡠᠸᠠᠨᠪᡝᠰᠠᠮᠪᡳ᠈ᠰᡟᠪᡳ᠈ᡝᠮᡴᡝᠪᡝᡩᠣᠨᠵᡳᡥᠠᡩ᠋ᡝ᠋᠈ᠵᡠᠸᡝᠪᡝᠰᠠᠮᠪᡳ᠉ jabume, sy bi, ai gelhun akū hūi be erembi, hūi emke be donjiha de, juwan be sambi, sy bi, emke be donjiha de, juwe be sambi. 對曰 賜也何敢望回 回也聞一以知十 賜也聞一以知二 ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡳᠰᡳᡵᠠᡴᡡᡴᠠᡳ᠈ᠪᡳᠰᡳᠨᡳᡳᠰᡳᡵᠠᡴᡡᠰᡝᡥᡝᠪᡝᡠᡵᡠᠰᡝᠮᠪᡳ᠉ fudzi hendume, isirakū kai, bi sini isirakū sehe be uru sembi. 子曰 弗如也 吾與女弗如也 .............................................................................................................................................................................................................................................ᡯᠠᡳᡳᠣᡳᡳᠨᡝᠩᡤᡳᠠᠮᡤᠠᡵᠠᠵᠠᡴᠠᡩᡝ᠋᠈ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡳᠪᡨᡝ᠋ᠨᡝᡥᡝᠮᠣᠣᠪᡝᠴᠣᠯᡳᠴᡳᠣᠵᠣᡵᠠᡴᡡ᠈ᡥᡠᡥᡠᠨᠪᠣᡳ᠌ᡥᠣᠨ ᠊ᡳᡶᠠᠵᡳᡵᠠᠨᠪᡝ᠈ᡳᠯᠪᠠᠴᡳᠣᠵᠣᡵᠠᡴᡡ᠉ᡯᠠᡳᡳᠣᡳᠪᡝᠠᡳ᠌ᠰᡝᠮᡝᠪᡝᠴᡝᡵᡝ᠉ 10. dzai ioi inenggi amgara jakade, fudzi hendume, ibtenehe moo be colici ojorakū, huhun boihon -i fajiran be, ilbaci ojorakū. dzai ioi be aiseme becere. 10. 宰予晝寢 子曰 朽木不可雕也 糞土之墻不可杇也 於予與何誅 ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠨᡝᠨᡝᠮᡝᠪᡳᠨᡳᠶᠠᠯᠮᠠᡩ᠋ᡝ᠋ᡨᡝ᠋ᡵᡝᡳᡤᡳᠰᡠᠨᠪᡝᡩᠣᠨᠵᡳᡥᠠᡩ᠋ᡝ᠋᠈ᡨᡝ᠋ᡵᡝᡳᠶᠠᠪᡠᠨᠪᡝᠠᡴ᠋ᡩ᠋ᠠᠮᠪᡳᡥᡝ᠈ᡨᡝ᠋ᠪᡳᠨᡳᠶᠠᠯᠮᠠᡩ᠋ᡝ᠋᠈ᡨᡝ᠋ᡵᡝᡳᡤᡳᠰᡠᠨᠪᡝᡩᠣᠨᠵᡳᡥᠠᡩ᠋ᡝ᠋᠈ᡨᡝᡵᡝᡳᠶᠠᠪᡠᠨᠪᡝᠴᡳᠨᠴᡳᠯᠠᠮᠪᡳ᠈ᡯᠠᡳᡳᠣᡳᡩ᠋ᡝ᠋ᡝᡵᡝᠪᡝᡥᠠᠯᠠᡥᠠ᠉ fudzi hendume, neneme bi niyalma de terei gisun be donjiha de, terei yabun be akdambihe, te bi niyalma de, terei gisun be donjiha de, terei yabun be cincilambi, dzai ioi de erebe halaha. 子曰 始吾於人也 聽其言而信其行 今吾於人也 聽其言而觀其行 於予與改是 .............................................................................................................................................................................................................................................ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠪᡳ᠈ᡤᠠᠩᡤᠠᠨᡳᠶᠠᠯᠮᠠᠪᡝᠰᠠᠪᡠᡵᡝᡠᠨ᠋ᡩᡝ᠋᠉ᡤᡡᠸᠠᠵᠠᠪᡠᠮᡝ᠈ᡧᡝᠨᠴᠠᠩᡩ᠋ᡝ᠋ᡵᡝ᠉ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡧᡝᠨᠴᠠᠩᡩ᠋ᡝ᠋ᠪᡠᠶᡝᠨᠪᡳ᠈ᠠᡩ᠋ᠠᡵᠠᠮᡝᡤᠠᠩᡤᠠᠰᡝᠴᡳᠣᠮᠪᡳᠨᡳ᠉ 11. fudzi hendume, bi, gangga niyalma be sabure unde. gūwa jabume, šen ceng dere. fudzi hendume, šen ceng de buyen bi, adarame gangga seci ombini. 11. 子曰 吾未見剛者 或對曰 申棖 子曰 棖也欲 焉得剛 .............................................................................................................................................................................................................................................ᡯᡳ᠌ᡤᡠᠩᡥᡝᠨ᠋ᡩᡠ᠋ᠮᡝ᠈ᠪᡳ᠈ᠨᡳᠶᠠᠯᠮᠠᡳᠮᡳᠨ᠋ᡩᡝ᠋ᡳᠰᡳᠪᡠᡵᡝᠪᡝᠴᡳᡥᠠᡴᡡᠩᡤᡝᠪᡝ᠈ᠪᡳ᠈ᡳᠨᡠᠨᡳᠶᠠᠯᠮᠠᡩ᠋ᡝ᠋ᡳᠰᡳᠪᡠᡵᡝᠪᡝᠴᡳᡥᠠᡴᡡ᠉ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠰᡟᠰᡳᠨᡳᡥᠠᠮᡳᠨᠠᡵᠠᠩᡤᡝᠸᠠᡴᠠᡴᠠᡳ᠉ 12. dzi gung hendume, bi, niyalmai minde isibure be cihakūngge be, bi, inu niyalma de isibure be cihakū. fudzi hendume, sy sini haminarangge waka kai. 12. 子貢曰 我不欲人之加諸我也 吾亦欲無加諸人 子曰 賜也非爾所及也 .............................................................................................................................................................................................................................................ᡯᡳ᠋ᡤᡠᠩᡥᡝᠨ᠋ᡩᡠ᠋ᠮᡝ᠈ᡶ᠋ᡠᡯᡳ᠌ ᠊ᡳᡧᡠ᠌ᠶᠠᠩᠰᡝᠪᡝ᠈ᠪᠠᡥᠠᡶ᠋ᡳᡩᠣᠨᠵᡳᠴᡳᠣᠮᠪᡳ᠈ᡶ᠋ᡠᡯᡳ᠌ ᠊ᡳᠪᠠᠨᡳᠨ᠈ᠠᠪᡴᠠᡳᡩᠣᡵᠣᠪᡝᡤᡳᠰᡠᡵᡝᡵᡝᠪᡝ᠈ᠪᠠᡥᠠᡶ᠋ᡳᡩᠣᠨᠵᡳᠴᡳᠣᠵᠣᡵᠠᡴᡡ᠉ 13. dzi gung hendume, fudzi -i šu yangse be, bahafi donjici ombi, fudzi -i banin, abkai doro be gisurere be, bahafi donjici ojorakū. 13. 子貢曰 夫子之文章 可得而聞也 夫子之言性與天道 不可得而聞也 .............................................................................................................................................................................................................................................ᡯᡳ᠋ᠯᡠ᠌ᡩᠣᠨᠵᡳᡥᠠᠪᠠᠪᡳᡶ᠋ᡳ᠈ᠶᠠᠪᡠᠮᡝᠮᡠᡨᡝ᠋ᡵᡝᠣᠩᡤᠣᠯᠣ᠈ᡩᠠᠮᡠᡩᠣᠨᠵᡳᡵᡝᠪᡝᠪᡳᠰᡳᡵᠠᡥᡡᠰᡝᠮᠪᡳ᠉ 14. dzi lu donjiha ba bifi, yabume mutere onggolo, damu donjire be bisirahū sembi. 14. 子路有聞 未之能行 唯恐有聞 .............................................................................................................................................................................................................................................ᡯᡳ᠌ᡤᡠᠩᡶ᠋ᠣᠨᠵᡳᠮᡝ᠈ᡴᡠᠩᠸᡝᠨᡯᡳ᠌ᠪᡝ᠈ᡧᡠ᠌ᠰᡝᡥᡝᠩᡤᡝᠠᡩ᠋ᠠᡵᠠᠮᡝ᠉ 15. dzi gung fonjime, kung wen dzi be, šu sehengge adarame. 15. 子貢曰 孔文子 何以謂之文也 ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡠᠯᡥᡳᠰᡠᠪᡳᠮᡝᡨ᠋ᠠᠴᡳᡵᡝᡩ᠋ᡝ᠋ᠠᠮᡠᡵᠠᠨ᠈ᡶᡝᠵᡝᡵᡤᡳᠩᡤᡝᡩ᠋ᡝ᠋ᡶ᠋ᠣᠨᠵᡳᡵᡝᡩ᠋ᡝ᠋ᡤᡳᡵᡠᡵᠠᡴᡡᠣᡶ᠋ᡳ᠈ᡨᡠ᠋ᡨ᠌ᡨᡠ᠋ᡧᡠ᠌ᠰᡝᡥᡝᠪᡳᡴᠠᡳ᠉ fudzi hendume, ulhisu bime tacire de amuran, fejergingge de fonjire de girurakū ofi, tuttu šu sehebi kai. 子曰 敏而好學 不恥下問 是以謂之文也 .............................................................................................................................................................................................................................................ᡶ᠋ᡠᡯᡳ᠌᠈ᡯᡳ᠌ᠴᠠᠨᠪᡝᠯᡝᠣᠯᡝᡥᡝᠩᡤᡝ᠈ᠠᠮᠪᠠᠰᠠᠰᠠᡳ᠌ᠰᠠᡳᡩᠣᡵᠣᡩ᠋ᡠ᠋ᡳ᠌ᠨᠪᡳ᠈ᡨᡝ᠋ᡵᡝᡳᠪᡝᠶᡝᡳᠶᠠᠪᡠᡵᡝᠩᡤᡝᡤᡠᠩᠨᡝᠴᡠᡴᡝ᠈ᡨᡝ᠋ᡵᡝᡳᡩ᠋ᡝ᠋ᡵᡤᡳᠩᡤᡝᠪᡝᡠᡳ᠌ᠯᡝᡵᡝᠩᡤᡝᡤᡳᠩᡤᡠᠨ᠈ᡨᡝ᠋ᡵᡝᡳᡳᡵᡤᡝᠨᠪᡝᡠᠵᡳᡵᡝᠩᡤᡝᡶ᠋ᡠᠯᡝᡥᡠᠨ᠈ᡨᡝ᠋ᡵᡝᡳᡳᡵᡤᡝᠨᠪᡝᡨ᠋ᠠᡴᡡᡵᠠᡵᠠᠩᡤᡝᠵᡠᡵᡤᠠᠩᡤᠠᠰᡝᡥᡝ᠉ 16. fudzi, dzi can be leolehengge, ambasa saisai doro duin bi, terei beyei yaburengge gungnecuke, terei dergingge be uilerengge ginggun, terei irgen be ujirengge fulehun, terei irgen be takūrarangge jurgangga sehe. 16. 子謂子產 有君子之道四焉 其行己也恭 其事上也敬 其養民也惠 其使民也義 .............................................................................................................................................................................................................................................ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠶᠠᠨᡦᡳᠩᠵᡠᠩ᠈ᠨᡳᠶᠠᠯᠮᠠ ᠊ᡳᠪᠠᡵᡠᡤᡠᠴᡠᠯᡝᠮᡝᠪᠠᡥᠠᠨᠠᠮᠪᡳ᠉ᡤᠣᡳ᠌ᡩ᠋ᠠᡨ᠋ᠠᠯᠠᡤᡳᠩᡤᡠᠯᡝᠮᠪᡳ᠉ 17. fudzi hendume, yan ping jung, niyalma -i baru guculeme bahanambi, goidatala ginggulembi. 17. 子曰 晏平仲善與人交 久而敬之 .............................................................................................................................................................................................................................................ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡯᠠᠩᠸᡝᠨᠵᡠᠩ᠈ᡝᡳ᠌ᡥᡠᠮᡝᠪᡝᠠᠰᠠᡵᠠᡵᠠᡩ᠋ᡝ᠋᠈ᠪᠠᠩᡨᡠ᠋ᡩ᠋ᡝ᠋ᠠᠯᡳᠨ᠈ᠠᡶ᠋ᡳᠶᠠᡨᡠ᠋ᡵᠠᡩ᠋ᡝ᠋ᠰᠣᡴ᠋ᠵᡳᠣᠪᡠᡥᠠᠩᡤᡝ᠈ᡨᡝ᠋ᡵᡝᠪᡝᠠᡩ᠋ᠠᡵᠠᠮᡝᠮᡝᡵᡤᡝᠩᡤᡝᠰᡝᠮᠪᡳᠨᡳ᠉ 18. fudzi hendume, dzang wen jung, eihume be asarara de, bangtu de alin, afiya tura de sokji obuhangge, terebe adarame mergengge sembini. 18. 子曰 臧文仲居蔡 山節藻棁 何如其知也 .............................................................................................................................................................................................................................................ᡯᡳ᠌ᠵᠠᠩᡶ᠋ᠣᠨᠵᡳᠮᡝ᠉ᠠᠯᡳᡶ᠋ᡳᡩᠠᠰᠠᡵᠠᠠᠮᠪᠠᠨᡯᡳ᠌ᠸᡝᠨ᠈ᡳᠯᠠᠨᠵᡝᡵᡤᡳᠠᠯᡳᡶ᠋ᡳᡩᠠᠰᠠᡵᠠᠠᠮᠪᠠᠨᠣᡥᠣᠰᡝᠮᡝ᠈ᡠᡵᡤᡠᠨᠵᡝᡥᡝᠴᡳᡵᠠᠠᡴᡡ᠈ᡳᠯᠠᠨᠵᡝᡵᡤᡳᠨᠠᡴᠠᡥᠠᠰᡝᠮᡝ᠈ᡴᠣᡵᠰᠣᡵᠣᠴᡳᡵᠠᠠᡴᡡ᠈ᡶᡝᠠᠯᡳᡶ᠋ᡳᡩᠠᠰᠠᡵᠠᠠᠮᠪᠠᠨ ᠊ᡳᡩᠠᠰᠠᠨᠪᡝᡠᡵᡠᠨᠠᡴᡡᡳᠴᡝᠠᠯᡳᡶ᠋ᡳᡩᠠᠰᠠᡵᠠᠠᠮᠪᠠᠨᡩ᠋ᡝ᠋ᠠᠯᠠᡥᠠᠩᡤᡝ᠈ᠠᠨ᠋ᡨ᠋ᠠᡴᠠ᠉19. dzi jang fonjime, alifi dasara amban dzi wen, ilan jergi alifi dasara amban oho seme, urgunjere cira akū, ilan jergi nakaha seme, korsoro cira akū, fe alifi dasara amban -i dasan be urunakū ice alifi dasara amban de alahangge, antaka. 19. 子張問曰 令尹子文 三仕為令尹 無喜色 三已之 無慍色 舊令尹之政 必以告新令尹 何如 ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡨ᠋ᠣᠨ᠋ᡩ᠋ᠣᠰᡝᠴᡳᠣᠮᠪᡳ᠉ᡶ᠋ᠣᠨᠵᡳᠮᡝ᠈ᡤᠣᠰᡳᠩᡤᠠᡩ᠋ᡝ᠋ᠣᠮᠪᡳᠣ᠉ᡥᡝᠨ᠋ᡩᡠ᠋ᠮᡝ᠈ᠰᠠᡵᡴᡡᡴᠠᡳ᠈ᠠᡩ᠋ᠠᡵᠠᠮᡝᡤᠣᠰᡳᠩᡤᠠᡩ᠋ᡝ᠋ᠣᠮᠪᡳᠣ᠈ᡮᡠᡳᡯᡳ᠌᠈ᠴᡳᡤᡠᡵᡠᠨ ᠊ᡳᡝᠵᡝᠨᠪᡝᠪᡝᠯᡝᡵᡝᠵᠠᡴᠠᡩᡝ᠋᠈ᠴᡝᠨᠸᡝᠨᡯᡳ᠌᠈ᡳᠨᡳᠪᡳᠰᡳᡵᡝᠵᡠᠸᠠᠨᠰᡝᠵᡝᠩᡤᡝᠮᠣᡵᡳᠨᠪᡝ᠈ᠸᠠᠯᡳᠶᠠᡶ᠋ᡳᡤᡝᠨᡝᡥᡝᠪᡳ᠉ fudzi hendume, tondo seci ombi. fonjime, gosingga de ombio. hendume, sarkū kai, adarame gosingga de ombio, ts'ui dzi, ci gurun -i ejen be belere jakade, cen wen dzi, ini bisire juwan sejengge morin be, waliyafi genehebi, 子曰 忠矣 曰 仁矣乎 曰 未知焉得仁 崔子弒齊君 陳文子有馬十乘 棄而違之 ᡤᡡᠸᠠᡤᡠᡵᡠᠨᡩ᠋ᡝ᠋ᡳᠰᡳᠨᠠᡶ᠋ᡳ᠈ᡥᡝᠨ᠋ᡩᡠ᠋ᠮᡝ᠈ᠮᡝᠨᡳᡩᠠᡳ᠌ᡶᠠᠨ᠈ᡮᡠᡳᡯᡳ᠌ ᠊ᡳᠠᡩ᠋ᠠᠯᡳᡴᠠᡳᠰᡝᡶ᠋ᡳᡤᡝᠨᡝᡥᡝ᠈ᡝᠮᡠᡤᡠᡵᡠᠨᡩ᠋ᡝ᠋ᡳᠰᡳᠨᠠᡶ᠋ᡳ᠈ᡤᡝᠯᡳᡥᡝᠨ᠋ᡩᡠ᠋ᠮᡝ᠈ᠮᡝᠨᡳᡩᠠᡳ᠌ᡶᠠᠨᡮᡠᡳᡯᡳ᠌ ᠊ᡳᠠᡩ᠋ᠠᠯᡳᡴᠠᡳᠰᡝᡶ᠋ᡳᡤᡝᠨᡝᡥᡝᠩᡤᡝ᠈ᠠᠨ᠋ᡨ᠋ᠠᡴᠠ᠉ gūwa gurun de isinafi, hendume, meni daifan, ts'ui dzi -i adali kai sefi genehe, emu gurun de isinafi, geli hendume, meni daifan ts'ui dzi -i adali kai sefi genehengge, antaka. 至於他邦 則曰 猶吾大夫崔子也 違之 之一邦 則又曰 猶吾大夫崔子也 違之 何如 ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠪᠣᠯᡤᠣᠰᡝᠴᡳᠣᠮᠪᡳ᠉ᡶ᠋ᠣᠨᠵᡳᠮᡝ᠈ᡤᠣᠰᡳᠩᡤᠠᡩ᠋ᡝ᠋ᠣᠮᠪᡳᠣ᠉ᡥᡝᠨ᠋ᡩᡠ᠋ᠮᡝ᠈ᠰᠠᡵᡴᡡᡴᠠᡳ᠈ᠠᡩ᠋ᠠᡵᠠᠮᡝᡤᠣᠰᡳᠩᡤᠠᡩ᠋ᡝ᠋ᠣᠮᠪᡳ᠉ fudzi hendume, bolgo seci ombi. fonjime, gosingga de ombio. hendume, sarkū kai, adarame gosingga de ombi. 子曰 清矣 曰 仁矣乎 曰 未之焉得仁 .............................................................................................................................................................................................................................................ᡤᡳᠸᡝᠨᡯᡳ᠌᠈ᠴᡳᠪᡨᡠ᠋ᡳᡤᡡᠨᡳᡶ᠋ᡳᡨᡝ᠋ᠨᡳᠶᠠᠪᡠᠮᠪᡳ᠉ᡶ᠋ᡠᡯᡳ᠌ᡩᠣᠨᠵᡳᡶ᠋ᡳᡥᡝᠨ᠋ᡩᡠ᠋ᠮᡝ᠈ᡩᠠᡥᡳᠴᡳ᠈ᡠᡨ᠌ᡥᠠᡳᠣᠮᠪᡳᡴᠠᡳ᠉ 20. gi wen dzi, cibtui gūnifi teni yabumbi. fudzi donjifi hendume, dahici, uthai ombikai. 20. 季文子三思而後行 子聞之曰 再斯可矣 .............................................................................................................................................................................................................................................ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠨᡳᠩᡠᡯᡳ᠌᠈ᡤᡠᡵᡠᠨᡩ᠋ᡝ᠋ᡩᠣᡵᠣᠪᡳᠴᡳ᠈ᠮᡝᡵᡤᡝᠨ᠉ᡤᡠᡵᡠᠨᡩ᠋ᡝ᠋ᡩᠣᡵᠣᠠᡴᡡᠣᠴᡳ᠈ᠮᡝᠨ᠋ᡨᡠ᠋ᡥᡠᠨ᠉ᡨᡝ᠋ᡵᡝᡳᠮᡝᡵᡤᡝᠨᠪᡝᠠᠮᠴᠠᠴᡳᠣᠮᠪᡳ᠈ᡨᡝ᠋ᡵᡝᡳᠮᡝᠨ᠋ᡨᡠ᠋ᡥᡠᠨᠪᡝᠠᠮᠴᠠᠴᡳᠣᠵᠣᡵᠠᡴᡡ᠉ 21. fudzi hendume, ning u dzi, gurun de doro bici, mergen. gurun de doro akū oci, mentuhun. terei mergen be amcaci ombi, terei mentuhun be amcaci ojorakū. 21. 子曰 寧武子邦有道則知 邦無道則愚 其知可及也 其愚不可及也 .............................................................................................................................................................................................................................................ᡶ᠋ᡠᡯᡳ᠌᠈ᠴᡝᠨᡤᡠᡵᡠᠨᡩ᠋ᡝ᠋ᠪᡳᡶ᠋ᡳᡥᡝᠨ᠋ᡩᡠ᠋ᠮᡝ᠈ᠪᡝᡩᡝ᠋ᡵᡝᡴᡳ᠈ᠪᡝᡩᡝ᠋ᡵᡝᡴᡳ᠈ᠮᡝᠨᡳᡶᠠᠯᡤᠠᡳᠵᡠᠰᡝ᠈ᡩᠠᠪᠠᡧᠠᡴᡡᡩ᠋ᡠ᠋ᠯᡝᠮᡧᡝᡴᡠᠶᠠᠩᠰᠠᠩᡤᠠ ᠊ᡳᠮᡠᡵᡠᠪᠠᠨᠵᡳᠨᠠᡥᠠᠪᡳ᠈ᠠᡩ᠋ᠠᡵᠠᠮᡝᡨᡠ᠋ᠸᠠᠨᠴᡳᡥᡳᠶᠠᡵᠠᠪᡝᠰᠠᡵᠠᡠᠨ᠋ᡩᡝ᠋᠉22. fudzi, cen gurun de bifi hendume, bedereki, bedereki, meni falgai juse, dabašakū dulemšekū yangsangga -i muru banjinahabi, adarame tuwancihiyara be sara unde. 22. 子在陳曰 歸與歸與 吾黨之小子狂簡 斐然成章 不知所以裁之 .............................................................................................................................................................................................................................................ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠪᡝᡳ᠈ᡧᡠ᠌ᠴᡳ᠈ᡶᡝᡝᡥᡝᠪᡝᡤᡡᠨᡳᡵᠠᡴᡡᠣᡶ᠋ᡳ᠈ᡨᡠ᠋ᡨ᠌ᡨᡠ᠋ᡤᠠᠰᠠᡵᠠᠩᡤᡝᡴᠣᠮᠰᠣ᠉ 23. fudzi hendume, be i, šu ci, fe ehe be gūnirakū ofi, tuttu gasarangge komso. 23. 子曰 伯夷叔齊 不念舊惡 怨是用希 .............................................................................................................................................................................................................................................ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠸᡝ᠈ᠸᡝᡳᡧᠠᠩᡬᠠᠣᠪᡝᠰᡳᠵᡳᡵᡥᡡᠨᠰᡝᡥᡝᠨᡳ᠈ᡤᡡᠸᠠᠵᡠᡧᡠᠨᠪᠠᡳ᠌ᡥᠠᠨᠠᡥᠠᡩ᠋ᡝ᠋᠈ᡳᠨᡳᠠᡩ᠋ᠠᡴᡳᠪᠣᠣᡩᡝ᠋ᠪᠠᡳ᠌ᡶ᠋ᡳᠪᡠᡥᡝᠪᡳ᠉ 24. fudzi hendume, we, wei šang g'ao be sijirhūn sehe ni, gūwa jušun baihanaha de, ini adaki boode baifi buhebi. 24. 子曰 孰謂微生高直 或乞醯焉 乞諸其鄰而與之 .............................................................................................................................................................................................................................................ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡶᠠᡴ᠋ᠰᡳᡤᡳᠰᡠᠨ᠈ᠠᡵᠠᡥᠠᠴᡳᡵᠠ᠈ᡩᠠᠪᠠᡨ᠋ᠠᠯᠠᡤᡠᠩᠨᡝᠴᡠᡴᡝᠩᡤᡝᠪᡝ᠈ᡯᠣ᠋ᡴᡳᠣᠮᡳᠩᡤᡳᡵᡠᠮᠪᡳ᠈ᡴᡳᠣᠪᡳᡳᠨᡠᡤᡳᡵᡠᠮᠪᡳ᠉ 25. fudzi hendume, faksi gisun, araha cira, dabatala gungnecukengge be, dzo kio ming girumbi. kio bi inu girumbi. 25. 子曰 巧言令色 足恭 左丘明恥之 丘亦恥之 ᡴᠣᡵᠰᠣᠴᡠᠨᠪᡝᡨᡝ᠋ᠪᡠᠮᠪᡳᠮᡝ᠈ᡨᡝ᠋ᡵᡝᠨᡳᠶᠠᠯᠮᠠᡩ᠋ᡝ᠋ᡤᡠᠴᡠᠯᡝᡵᡝᠩᡤᡝᠪᡝ᠈ᡯᠣ᠋ᡴᡳᠣᠮᡳᠩᡤᡳᡵᡠᠮᠪᡳ᠈ᡴᡳᠣᠪᡳᡳᠨᡠᡤᡳᡵᡠᠮᠪᡳ᠉ korsocun be tebumbime, tere niyalma de guculerengge be, dzo kio ming girumbi, kio bi inu girumbi. 匿怨而友其人 左丘明恥之 丘亦恥之 .............................................................................................................................................................................................................................................ᠶᠠᠨᠶᡠᠸᠠᠨ᠈ᡤᡳᠯᡠ᠌ᠠᠰᡥᠠᠨᡩ᠋ᡝ᠋ᠪᡳᠰᡳᡵᡝᡩ᠋ᡝ᠋᠈ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠰᡠᠸᡝ᠈ᠠᡳ᠌ᠨᡠᠮᡝᡳ᠌ᠮᡝᠨᡳᠮᡠᠵᡳᠨᠪᡝᡤᡳᠰᡠᡵᡝᡵᠠᡴᡡ᠉ 26. yan yuwan, gi lu ashan de bisire de, fudzi hendume, suwe, ainu meimeni mujin be gisurerakū. 26. 顏淵季路侍 子曰 盍各言爾志 ᡯᡳ᠌ᠯᡠ᠌ᡥᡝᠨ᠋ᡩᡠ᠋ᠮᡝ᠈ᠰᡝᠵᡝᠨᠮᠣᡵᡳᠨ᠈ᠸᡝᡳ᠌ᡥᡠᡴᡝᠨᡶ᠋ᡠᡵᡩᡝ᠋ᡥᡝᡝᡨᡠ᠋ᡴᡠᠪᡝ᠈ᡤᡠᠴᡠᡤᠠᡵᡤᠠᠨ ᠊ᡳᡝᠮᡤᡳᡠᡥᡝᠯᡝᡶ᠋ᡳ᠈ᠮᠠᠨᠠᡥᠠᠰᡝᠮᡝᡴᠣᡵᠰᠣᡵᠠᡴᡡᠪᡝᠪᡠᠶᡝᠮᠪᡳ᠉ dzi lu hendume, sejen morin, weihuken furdehe etuku be, gucu gargan -i emgi uhelefi, manaha seme korsorakū be buyembi. 子路曰 願車馬衣輕裘與朋友共蔽之而無憾 ᠶᠠᠨᠶᡠᠸᠠᠨᡥᡝᠨ᠋ᡩᡠ᠋ᠮᡝ᠈ᠰᠠᡳ᠌ᠨᠪᡝᡨᡠ᠋ᡴᡳᠶᡝᠴᡝᡵᠠᡴᡡ᠈ᡶᠠᡧᡧᠠᠨᠪᡝᡤᡝᠣᡤᡝᡩᡝ᠋ᡵᠠᡴᡡᠪᡝᠪᡠᠶᡝᠮᠪᡳ᠉ yan yuwan hendume, sain be tukiyecerakū, faššan be geogederakū be buyembi, 顏淵曰 願無伐善無施勞 ᡯᡳ᠌ᠯᡠ᠌ᡥᡝᠨ᠋ᡩᡠ᠋ᠮᡝ᠈ᡶ᠋ᡠᡯᡳ᠌ ᠊ᡳᠮᡠᠵᡳᠨᠪᡝᡩᠣᠨᠵᡳᡵᡝᠪᡝᠪᡠᠶᡝᠮᠪᡳ᠉ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠰᠠᡴ᠋ᡩ᠋ᠠᠰᠠᠪᡝᡝᠯᡥᡝᠣᠪᡠᠮᠪᡳ᠈ᡤᡠᠴᡠᡤᠠᡵᡤᠠᠨᡩ᠋ᡝ᠋ᠠᡴ᠋ᡩᡠ᠋ᠨᠣᠮᠪᡳ᠈ᠠᠰᡳᡥᠠᡨ᠋ᠠᠪᡝᡥᡝᡶᡝᠯᡳᠶᡝᠮᠪᡳ᠉ dzi lu hendume, fudzi -i mujin be donjire be buyembi. fudzi hendume, sakdasa be elhe obumbi, gucu gargan de akdun ombi, asihata be hefeliyembi. 子路曰 願聞子之志 子曰 老者安之 朋友信之 少者懷之 .............................................................................................................................................................................................................................................ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᡠᠰᠠᡴᠠᠵᠣᠣ᠈ᠪᡳ᠈ᡳᠨᡳᡝᠨ᠋ᡩᡝ᠋ᠪᡠᡴᡠᠪᡝᠰᠠᡶ᠋ᡳᡩᠣᠯᠣᡵᡳᠪᡝᠶᡝᠪᡝᠵᠠᠪᠴᠠᠮᡝᠮᡠᡨᡝ᠋ᡵᡝᠩᡤᡝᠪᡝᠰᠠᠪᡠᡥᠠᡴᡡ᠉ 27. fudzi hendume, usaka joo, bi, ini endebuku be safi dolori beyebe jabcame muterengge be sabuhakū. 27. 子曰 已矣乎 吾未見能見其過而內自訟者也 .............................................................................................................................................................................................................................................ᡶ᠋ᡠᡯᡳ᠌ᡥᡝᠨ᠋ᡩᡠ᠋ᠮᡝ᠈ᠵᡠᠸᠠᠨᠪᠣᠣᡳᡤᠠᡧᠠᠨᡩ᠋ᡝ᠋᠈ᡠᡵᡠᠨᠠᡴᡡᡨ᠋ᠣᠨ᠋ᡩ᠋ᠣᠠᡴ᠋ᡩᡠ᠋ᠨᡴᡳᠣᠮᡳᠨᡳᠠᡩ᠋ᠠᠯᡳᠩᡤᡝᠪᡳ᠈ᡴᡳᠣᠮᡳᠨᡳᠠᡩ᠋ᠠᠯᡳᡨ᠋ᠠᠴᡳᡵᡝᡩ᠋ᡝ᠋ᠠᠮᡠᡵᠠᠩᡤᡝᠠᡴᡡᡴᠠᡳ᠉ 28. fudzi hendume, juwan booi gašan de, urunakū tondo akdun kio mini adalingge bi, kio mini adali tacire de amurangge akū kai. 28. 子曰 十室之邑 必有忠信如丘者焉 不如丘之好學也